يترى مين هو نجيب الريحاني ؟
كتبت-خلود أحمد
"لكل شيء بناء" جملة بتطبق ع صناعة السينما بشكل كبير خاصةً إن صناع السينما قديماً هما فعلاً صرح البناء ده اللي بيه قدرت السينما إنها تكون رمز للتعبير عن كل حاجة بتحصل وهتحصل وحصلت كمان مزيج م الماضي والحاضر والمستقبل.. ولو جينا نتكلم عن حد من صرح البناء مش هنلاقي افضل م "نجيب الريحاني".
نجيب إلياس ريحانة واللي عُرف باسم "نجيب الريحاني"، الممثل المصرى الفكاهي، م مواليد 8يونيو1949م، يعتبر م أشهر الكوميديين في تاريخ الفن العربي المرئي، وم أبرز رواد المسرح والسينما ف الوطن العربي.
وهو من مواليد محافظة القاهرة وبالأخص حي باب الشعرية، لو جينا بقى نشوف ايه هيا موهبة الريحاني وازاي نماها.. هنلاقي إن الريحاني كان ف مدرسة "الفرير"، واللي فيها قدر يبرز موهبته وكمان ينميها، وعشان كدا شارك ف فريق التمثيل الخاص بالمدرسة، وكمان اشتهر بطريقته المختلفة ف إلقاء الشعر العربي، وكمان كإن بيحب الأعمال الأدبية والمسرحية الفرنسية، وكان مهتم بالشعر الأعمال الأدبية العربية فكان م أشد المعجبين بالمتنبيء وأبو العلاء المعرى.
الريحاني كمان أسس فرقة مسرحية بتعرض المسرحيات الكوميدية الفرنسية بس باللغة العربية وكان مشارك معاه صديقه "بديع خيري"، وكمان وقتها الفرقة قدرت تعرض عدد من المسرحيات في مصر وباقي دول الوطن العربي، وكمان قدر الريحاني إنه يحول بعض المسرحيات الخاصة بالفرقة إلي افلام سينمائية.
قدر الريحاني إنه يحقق أدوار مختلفة لأنه كان من أكتر الممثلين والكوميديين المشهورين ف الوقت ده، ف قدر بطرق مختلفة يدخل القلب سواء من دور كشكش بك ف فيلم " صاحب السعادة"، ودور الأستاذ حمام ف فيلم" غزل البنات"، أدوار قادرة تسيب بصمة وعلامة مختلفة ف مجاله
الريحاني ف آخر أيامه اتصاب بمرض التيفوئيد، واللي أثر ع صحة قلبه ورئته، وأتوفى ف المستشفى اليوناني ف القاهرة، و مقدرش يتمم تمثيل آخر أعماله واللي كانت فيلم " غزل البنات"، بس قدر يسيب أثر وبصمة ف مجال المسرح العربي، وقدر يحصل ع لقب " زعيم المسرح الفكاهي" مش بس ف مصر ده كمان قدر يحصل ع نفس اللقب ف باقي دول الوطن العربي، وقدر إنه يطور المسرح الكوميدي ف مصر.
تعليقات
إرسال تعليق