كتبت: نورهان مسعد
مسلسل المداح نال اعجاب كتير من المشاهدين في أول اسبوع من عرضه و كلهم أجمعوا أن الجزء الجديد احسن بكتير من الجزء التاني من حيث تسلسل الأحداث و سرعتها و اداء حمادة هلال اللي التطور بشكل ملحوظ.
تفتكر إيه ممكن يكون مرعب أكتر من إن عالمين ضد بعض، يبدأوا يتداخلوا مع بعض، و تبدأ ما بينهم حرب ملهاش نهاية.
تتعامل انهاردة مع شخص تاني يوم تكتشف أنه لا من نوعك ولا من جنسك.
ده بضبط اللي بيحصل مع صابر، المشهد اللي قلب السوشيال ميديا وكله اتكلم عنه وهو "ابننا جيه ابننا جيه"، دي الجملة اللي اتقالت من الجن بعد ولادة رحاب بعد 6 شهور حمل، وكل دا صابر في حالة صدمة أولها أن الطاقم الطبي كله مستغرب أن الطفل نازل سليم برغم أنه ابن ست شهور و آخرها الجملة اللي صدمته و اللي شككته في ابنه أنه يكون من نسل الجن!!
ولكن من تحليلي لأحداث المسلسل أعتقد أن الطفل ده هو اللي هيحسم الحرب اللي هتقوم بين طائفة الجن و بين نسل آدم.
بعد كدا يظهر لينا الأمير اللي بيحاول يوصل لصابر عشان يساعده و بيقوله انا من عباد الله زيك.
ولكن للاسف في نهاية الحلقة الثانية بعد ما الأمير يوصل للمداح وهما في طريقهم للبنان عشان يفهموا كل حاجة بتتقلب العربية بيهم وبيختفي الأمير و مبيكونش لي أي أثر.
و بيبدأ صابر يحاول يحل لغز اختفاء الأمير، و بيكتشف إن ماضي الأمير كله معاصي و سيئات ومن الواضح أنه لما حب يساعد المداح الجن قرر يوقفه و يخطفه.
وتاج اللي ظهرت لصابر من العدم وقت ما عملوا الحادثة و بتبدأ تتقرب منه و تحاول تساعده أما صابر بقا هو مثال للزوج الصالح اللي اي بنت تتمناه
ف حوار دار بين تاج و صابر بتقوله أنا لقيت محفظتك في شنطتي قالها محفظتي دي مراتي ام عيالي جابتهالي❤️
و بقت على لسانه كل شوية مراتي ام عيالي حبيبتي.
السؤال هنا بقا، يا ترى تاج هتكون من أعوان الامير وأنه قالها لو حصله حاجة تكون هي بداله ولا هي جن اساسًا و هتأذي صابر؟؟!
مستنية رأيكوا في الكومنتات❤️
تعليقات
إرسال تعليق