اوهايو
رجعنا اهو بعد سحبه طويلة الواحد حتى بقى اكسل من انه يعمل تكاليف الكلية وعمال يتفرج على انمى وده اللى بنسميه حياة اوتاكوا متوحد
احم المهم
الانمى اللى هنكلم عليه النهارده
The Promised Neverland s1
الانمى ده من انميات الغموض والتشويق اللى هيخليك مستنى كل لقطة وكل حلقة
وقاعد مستنى اى هي الخطوة الجاية واى اللى هيحصل بعدين وده بسبب تعدد مستوايات الذكاء والخطط والاستراتيجيات الموجوده
تعالى ندخل فى القصة
الانمى بيكلم على مجموعة اطفال عايشين فى دار رعاية ( ميتم ) بس مش زى الصورة اللى جت فى بالك دلوقتى مش هتشوف بقى حياة صعبة وميتم بقى وبيتعذبوا بالعكس هما فرحانين هناك وحياتهم سعيده وكل حد بيحب التانى بس الاطفال فى الميتم ده من عمر 1 ل 11 سنه وفى يوم من الايام حد من الاطفال دول لازم يمشى وتتبناه عيله
لو جينا بقى نشوف الاطفال الموجودين هتلاقى انهم اذكية اوى وبياخدوا امتحانات وتمارين واختبارات اللى عشان تزيد من ذكائهم فدى بيخلى فى تنافس مابينهم من درجات وترتيب زى المدرسة .
لو جيت تشوف كده هتحس انه انمى كتكوت ولطيف مليان طاقة ايجابية كل ده هيجى فى تفكيرك لغيت اخر الحلقة الاولى اللى هتبان فيها قصة الانمى الحقيقية ، فصورة الاحداث السعيدة هتتقلب لحاجة اعمق واكبر من اللى كنا بنتوقعها
لو جينا بقى نشوف المميزات اللى هيكون من ضمنها اكيد الرسم والتحريك الاحترافى وكمان تعدد الشخصيات فعندنا اكتر من شخصية تلات شخصيات رئيسية وشخصيات تانية ثانوية وخلينا نذكر برضو ان كل شخصية فى الانمى ليها دور مهم فى الاحداث .
الانمى 12 حلقة فيعتبر من الانميات القصيرة اللى ممكن تخلصها فى قاعدة واحدة .
من هنا نكون خلصنا وزى ما بنقول ديما كل واحد وذوقه فلو معجبكش فى انميات تانية بتصنيفات تانية ممكن تعجبك.
فنشوفك بقى على خير المره الجاية ايها القارئ الجميل
تعليقات
إرسال تعليق