التخطي إلى المحتوى الرئيسي

 spyxfamileyمراجعة إنمي 

 السلام عليكم  


رجعنا بعد امتحانات شاقة وصعبة وبما اننا عدينا صافى وبسلام تعالوا نكلم عن انمى يخفف النفسية شوية بعيد عن اودا وحبكته و عن ون بيس عمنا

 

خلينا نكلم المره دى عن انمى SPY x FAMILY 


الانمى ده اتشهر فى الفتره اللى فاتت بس على عكس بقية الانميات مش بالحبكة ولا القصة ولا التحريك العالى الانمى ده اتشهر عن طريق اللطافة الزيادة انمى كوميدى بمعنى تانى حاجة كدة تخفف عليك يومك بدل ما انت مزنوق فى كل حاجة كده وعمال تصيح حاجة تتفرج عليها فى اخر اليوم عشان بس تضحك بعيد عن حزن الحياة وصعوبتها 


خلينا نبدا بقصة الانمى 


قصة الانمى ليطفة احنا عندنا تلت شخصيات رئيسية " لويد "  "انيا"  "تانزاكى"

لويد ممكن تفكره البطل فى الاول بس انيا البنت الصغننه هيا اللى اخدت الدور كلو بعدين المهم القصة واللى فيها ان لويد جاسوس محترف وخطير وجامد مفيش منه اتنين كان فى مهمة لازم يعمل فيها عيلة فعشان يعرف يخلص المهمة دى بدا يدور على بنت عشان يتبناها فكانت البنت دى "انيا" البنت الكتكوته دى بقى كانت عندها قدرة انها بتعرف تقرأ الافكار والزوجة هتكون  "تانزاكى" ودى مش واحدة عادية دى قاتلة ومحترفة كمان والاهم ان مفيش حد من الاتنين دول يعرف عن هوية التانى غير انيا عشان بتقرأ الافكار وهيا مبسوطة بده فمن هنا بتبدا القصة.


لو جيت تبص كدة هتحس ان القصة طابع الاكشن غالب بس لا خالص القصة كلها مبنية على الكوميديا وعن المواقف المضحكة اللى مابينهم بذات انيا البنت الصغيرة وشخصيتها الطفولية واللطيفة اوى فى الانمى وهتكون بتستنى كل حلقة تنزل عشان بس تشوف الكتكوته دى ودورها فى الحلقة .

 

بدل ما كنت بتستنى البطل الجامد اللى مفيش منه اتنين يظهر فى انميات الاكشن عشان بس يموت الشرير فى ثانية اللا ثانية هنا هتستنى البنت الصغننه دى تظهر عشان بس تضحك وتحسن يومك ومزاجك .


تعالا نجبلك الزتونه فى الاخر انت لو بتدور على حاجة تضحكك وتسلى يومك فلانمى دى ليك وهيكون مناسب اوى لو بتحب الحاجات اللطيفة والصغننه .


الانمى نزل منه موسمين فى وقت كتابتى الحالى الموسم الاول (12 حلقة) والتانى (13 حلقة) وانت وذوقك بقى 



تعليقات

إرسال تعليق

المشاركات الشائعة من هذه المدونة

   مواهب من حقها تتشاف  كتبت:نرنورة كل حد فينا عنده موهبة  او يعرف حد عنده موهبة بتشوف أزاي بيكون مبسوط وهو بيتكلم عنها؟ طب بتشوف لمعة عينه وهو بيكلمك عن تفاصيل خاصة بيها ؟ أكيد صادفك الحظ في مرة وأتعرضت أنك تقعد مع حد موهوب ،عن نفسي بحب المسرح جدًا وبحب أوي أني أزوره وكل مرة بنبهر بكل التفاصيل والروح الحلوة الي بيضيفها الناس الي بتأخد الفرصة وبتقف عليه ودا الي حصل معايا لما روحت مسرح تربية وحضرت "دكتور ترانزيت" .   العرض عن نص " اعقل يا دكتور" للكاتب"لينين الرملي" والي عمله صياغة مسرحية يكون "عمر شريف" الحقيقة لما دخلوا في الأول يقدموا العرض وقالوا أنه بيقدم حاجة هادفة وقيم حسيت أنه هيكون ممل بالنسبة لمسرح كلية  بس لما بدء مقدرتش ابطل ضحك من خفة دمهم سواء بقا من طاهرة "نورهان أحمد" الي عليها ضحكه ترج المدرج كله وبتبعت بوسة في الهواء طول العرض لناس مجهولة والروج أهم حاجة في حياتها ،ولا صااااابر التمرجي "محمود عبدالغني " المشهور بتقيل الوزن لكن خفيف الظل وهو فعلًا يستحق اللقب وقد أيه هو كمان فتان وطماع بردو بس شهم الصراحة ميرضا...
إرسال تعليق
قراءة المزيد

المداح اسطورة العشق

  كتبت: نورهان مسعد مسلسل المداح نال اعجاب كتير من المشاهدين في أول اسبوع من عرضه و كلهم أجمعوا أن الجزء الجديد احسن بكتير من الجزء التاني من حيث تسلسل الأحداث و سرعتها و اداء حمادة هلال اللي التطور بشكل ملحوظ. تفتكر إيه ممكن يكون مرعب أكتر من إن عالمين ضد بعض، يبدأوا يتداخلوا مع بعض، و تبدأ ما بينهم حرب ملهاش نهاية. تتعامل انهاردة مع شخص تاني يوم تكتشف أنه لا من نوعك ولا من جنسك. ده بضبط اللي بيحصل مع صابر، المشهد اللي قلب السوشيال ميديا وكله اتكلم عنه وهو "ابننا جيه ابننا جيه"، دي الجملة اللي اتقالت من الجن بعد ولادة رحاب بعد 6 شهور حمل، وكل دا صابر في حالة صدمة أولها أن الطاقم الطبي كله مستغرب أن الطفل نازل سليم برغم أنه ابن ست شهور و آخرها الجملة اللي صدمته و اللي شككته في ابنه أنه يكون من نسل الجن!! ولكن من تحليلي لأحداث المسلسل أعتقد أن الطفل ده هو اللي هيحسم الحرب اللي هتقوم بين طائفة الجن و بين نسل آدم.  بعد كدا يظهر لينا الأمير اللي بيحاول يوصل لصابر عشان يساعده و بيقوله انا من عباد الله زيك. ولكن للاسف في نهاية الحلقة الثانية بعد ما الأمير يوصل للمداح وهما في طريقهم...
إرسال تعليق
قراءة المزيد

مراجعة إنميThe Promised Neverland

   اوهايو رجعنا اهو بعد سحبه طويلة الواحد حتى بقى اكسل من انه يعمل تكاليف الكلية وعمال يتفرج على انمى وده اللى بنسميه حياة اوتاكوا متوحد  احم المهم  الانمى اللى هنكلم عليه النهارده The Promised Neverland s1 الانمى ده من انميات الغموض والتشويق اللى هيخليك مستنى كل لقطة وكل حلقة  وقاعد مستنى اى هي الخطوة الجاية واى اللى هيحصل بعدين وده بسبب تعدد  مستوايات الذكاء والخطط والاستراتيجيات الموجوده  تعالى ندخل فى القصة  الانمى بيكلم على مجموعة اطفال عايشين فى دار رعاية ( ميتم ) بس مش زى الصورة اللى جت فى بالك دلوقتى مش هتشوف بقى حياة صعبة وميتم بقى وبيتعذبوا بالعكس هما فرحانين هناك وحياتهم سعيده وكل حد بيحب التانى بس الاطفال فى الميتم ده من عمر 1 ل 11 سنه وفى يوم من الايام حد من الاطفال دول لازم يمشى وتتبناه عيله  لو جينا بقى نشوف الاطفال الموجودين هتلاقى انهم اذكية اوى وبياخدوا امتحانات وتمارين واختبارات اللى عشان تزيد من ذكائهم فدى بيخلى فى تنافس مابينهم من درجات وترتيب زى المدرسة . لو جيت تشوف كده هتحس انه انمى كتكوت ولطيف مليان طاقة ايجابية كل ده...
إرسال تعليق
قراءة المزيد