التخطي إلى المحتوى الرئيسي

  ظاظا وجرير 


كتبت-نور إيهاب: 



مين فينا مبيحبش ظاظا وجرير طازة لو مبتحبهمش أكيد مكنش عندك تليفزيون مثلًا أو كنت بتضيع وقتك قبل الفطار في النوم أو بتتفرج على برامج المقالب أم دم ماسخ دي ومالهاش معنى أنما ظاظا وجرير كل يوم  قصة وكل يوم فكرة وكل يوم مهمة ضد طراقيع .


نادوا الحبايب والخلان بسرعة للحلقة تفوتكم 

عايشين قرايب صحاب جيران في بيت جميل زي بيوتكم 

مع لؤلؤة وجدو ولولي غني يا حلوة معايا وقولي .


ولا أونكل مفتاح وهو بيرن على جرجير في الثامنة صباحًا وبيقوله أنا الي بتكلم يا عملي الردي مفتكرش أن الأعمال الفنية دي كانت للجيل الصغير وبس أنا لو اتفرجت حاليًا هلاقي حكمة مهمة في كل حلقة ليا وأنا كبيرة وأستفاد منها في شغلي أو في دراستي وعلاقاتي مع ناس وأهلي .


أزاي جدو كان مخترع عبقري كدا وجامد وظاظا الي يشبه رشدي أباظه بس بيني وبينكم كنت بحب جرجير أوي اصله بيعشق الكسل والأنتخة والفرجة على التليفزيون ملهوش في الفرهدة بتاعت ظاظا .


وبحب أني أقدم الشكر لفريق العمل بتاع ظاظا وجرجير وبتمنى من القنوات المصرية ترجع تعرض الحاجات دي إلى أن يتم القيام بأعمال مشابهه في خفة الدم والقيمة الدرامية الهادفة بدل قصص المسلسلات الي بتتكلف مليارات ومبنستفدش منها في حاجة غير استايل لبس الفنانة مايان السيد ولون شعر رامز جلال وكل سنة وأنتم طيبين . 


ممكن نسمع أغنية التتر من هنا



https://youtu.be/uOxBR37F9U0


تعليقات

إرسال تعليق

المشاركات الشائعة من هذه المدونة

   مواهب من حقها تتشاف  كتبت:نرنورة كل حد فينا عنده موهبة  او يعرف حد عنده موهبة بتشوف أزاي بيكون مبسوط وهو بيتكلم عنها؟ طب بتشوف لمعة عينه وهو بيكلمك عن تفاصيل خاصة بيها ؟ أكيد صادفك الحظ في مرة وأتعرضت أنك تقعد مع حد موهوب ،عن نفسي بحب المسرح جدًا وبحب أوي أني أزوره وكل مرة بنبهر بكل التفاصيل والروح الحلوة الي بيضيفها الناس الي بتأخد الفرصة وبتقف عليه ودا الي حصل معايا لما روحت مسرح تربية وحضرت "دكتور ترانزيت" .   العرض عن نص " اعقل يا دكتور" للكاتب"لينين الرملي" والي عمله صياغة مسرحية يكون "عمر شريف" الحقيقة لما دخلوا في الأول يقدموا العرض وقالوا أنه بيقدم حاجة هادفة وقيم حسيت أنه هيكون ممل بالنسبة لمسرح كلية  بس لما بدء مقدرتش ابطل ضحك من خفة دمهم سواء بقا من طاهرة "نورهان أحمد" الي عليها ضحكه ترج المدرج كله وبتبعت بوسة في الهواء طول العرض لناس مجهولة والروج أهم حاجة في حياتها ،ولا صااااابر التمرجي "محمود عبدالغني " المشهور بتقيل الوزن لكن خفيف الظل وهو فعلًا يستحق اللقب وقد أيه هو كمان فتان وطماع بردو بس شهم الصراحة ميرضا...
إرسال تعليق
قراءة المزيد

مراجعة إنميThe Promised Neverland

   اوهايو رجعنا اهو بعد سحبه طويلة الواحد حتى بقى اكسل من انه يعمل تكاليف الكلية وعمال يتفرج على انمى وده اللى بنسميه حياة اوتاكوا متوحد  احم المهم  الانمى اللى هنكلم عليه النهارده The Promised Neverland s1 الانمى ده من انميات الغموض والتشويق اللى هيخليك مستنى كل لقطة وكل حلقة  وقاعد مستنى اى هي الخطوة الجاية واى اللى هيحصل بعدين وده بسبب تعدد  مستوايات الذكاء والخطط والاستراتيجيات الموجوده  تعالى ندخل فى القصة  الانمى بيكلم على مجموعة اطفال عايشين فى دار رعاية ( ميتم ) بس مش زى الصورة اللى جت فى بالك دلوقتى مش هتشوف بقى حياة صعبة وميتم بقى وبيتعذبوا بالعكس هما فرحانين هناك وحياتهم سعيده وكل حد بيحب التانى بس الاطفال فى الميتم ده من عمر 1 ل 11 سنه وفى يوم من الايام حد من الاطفال دول لازم يمشى وتتبناه عيله  لو جينا بقى نشوف الاطفال الموجودين هتلاقى انهم اذكية اوى وبياخدوا امتحانات وتمارين واختبارات اللى عشان تزيد من ذكائهم فدى بيخلى فى تنافس مابينهم من درجات وترتيب زى المدرسة . لو جيت تشوف كده هتحس انه انمى كتكوت ولطيف مليان طاقة ايجابية كل ده...
إرسال تعليق
قراءة المزيد
   مشتاقتوش للقبطان عزوز؟ كتبت-خلود أحمد  كلنا واحنا صغيرين كنا متعلقين أوي بمعظم مسلسلات رمضان وخصوصاً اللي فيها نوع من الكوميديا بس من الطف المسلسلات اللي قابلناها هو مسلسل" القبطان عزوز" اللي كان عباره عن مسلسل شبه رسوم كدا ع شكل الممثلين اللي بتشارك فيه، متيجوا نشوف هو ايه بالظبط.  مسلسل" القبطان عزوز" هو مسلسل كرتوني مصري، اول مرة اتذاع فيها كان ف رمضان سنة2009، من اخراج " عبدالله نبيل" وتأليف " محسن رزق" ، و"احمد سيد امين"، ومن بطولة الفنان"سامح حسين"، ومشاركة كلاً من: انتصار، عبدالله مشرف، سليمان عيد، معوض إسماعيل، واتذاع منه ٣ أجزاء عام2009، 2010، 2011. بيدور المسلسل حوالين القبطان عزوز واللي جسد شخصيته الفنان "سامح حسين"، عزوز بقى كان وارث سفينة عن باباه وكان اسمها "شمندورة"، بس المشكله بقى إن عزوز مكنش ذكي كفايه عشان كدا كان حكاية كل حلقة هي عبارة عن مغامرة جديدة، وحدوتة ولغز بنحله مع القبطان عزوز.  ومش بس كدا بما انه كان بيفكر بس أحياناً تفكيره بيكون محدود شويتين ناس كتير كان مفكراه غباء بس ف الا...
إرسال تعليق
قراءة المزيد