يه هيا قصة الزهرة بتاعت روبانزل ؟
كتبت- خلود أحمد
كلنا واحنا صغيرين كنا بنحب أوي نتابع أفلام الكرتون وخصوصاً "أفلام ديزني" وكنا دايماً نفسنا نكون زي أميرات ديزني عشان دايماً بيكون عندهم حاجة مختلفة.. ويعتبر اكتر حاجة كانت غريبة هو فيلم"روبانزل" الأميرة صاحبة الشعر الطويل طب يترى إيه سبب الغرابة ده.
ف يوم من الايام سقط ضوء من السما ع الارض ونما مكان الضوء ده زهرة عجيبة أوي، وكمان الزهرة دي كانت قادرة ترجع أي عجوز لشبابه وتشفي اي مريض بردو، والزهرة دي كانت محدش يعرف عنها حاجة إلا العجوز"جوثل".
بس الزهرة دي كانت موجوده ف مملكة بيحكمها ملك وملكة طيبين، بس ف يوم من الايام الملكة تعبت جامد أوي وقتها الملك أمر كل الحرس انهم لازم يلاقوا الزهرة دي عشان تشفى الملكة.
طب ليه"جوثل" كانت عايزه الزهرة دي؟
جوثل كانت ست عجوزة أوي كانت بتروح للزهرة وتغني أغنية معينة عشان تقدر ترجع شباب تاني وترجعلها كل حاجة ف شكلها زي الأول بس اشمعنا الزهرة دي؟ هقولكوا الزهرة دي الشعاع اللي كان بيخرج منها كان شعاع سحري قادر انه يعمل حاجات كتير أوي ويخلي الشخص اللي معاه الزهرة شخص خارق مش كطبع بس كان شخص خارق كشكل ومظهر.
طبعاً الملكة حصلت ع الزهرة وجابت أميرة جميلة سموها وقتها" روبانزل" وكانت بشعرها الدهبي الجميل سبب كافي إن "جوثل" توصلها عشان ترجع شباب .
بس الزهرة كانت فيها حاجة غريبة انها لو جزء منها اتاخد بتتحول للون البني وده اللي حصل ف خصلة شعر "روبانزل"اللي "جوثل" حاولت تاخدها اتحولت الخصلة للون البني بدل ما كانت دهبي بلون الشمس.
قررت " جوثل" تاخد الأميرة وف لمح البصر اختفت بيها وراحت برج بعيد عن الناس كلها وأقنعت الأميرة انها مامتها وربتها ع أساس انها مينفعش تخرج وكانت دايماً الأميرة بتقولها" هو أنا ليه مينفعش اخرج" وجوثل ترد عليها ب" العالم برا مكان خطير جداً مليان شرور وأنانية خليكي هنا ف أمان فهماني يوردتي".
بس ايه حكاية بتشفى الجروح دي؟
الزهرة كان ليها اغنية كانت بتستخدمها جوثل وروبانزل عشان تقدر تعمل مفعول السحر اللي ف الزهرة او اللي بالأخص ف شعر روبانزل كانوا دايماً بيغنوا ويقولوا:" يا وردة ألمعي.. خلي القوة تبان، يرجع اللي كان، اللي ضاع زمان، خففي الجروح رجعي اللي كان يرجع اللي كان اللي ضاع زمان ..ضاع من زماان".
بس الزهرة دي اختفت مع قص شعر روبانزل لإن شعرها كان الحاجة الوحيدة اللي قادرة تبقى محتفظة بالزهرة دي ولما شعرها اتقص اختفت الزهرة واختفى أثرها حتى شعر روبانزل أتحول للون البني، ومن وقتها اختفت أسطورة الزهرة العجيبة
تعليقات
إرسال تعليق