التخطي إلى المحتوى الرئيسي

  مسلسل الباب في الباب  


كتبت -نرنورة: 


بما أني كنت طفلة بتعشق التليفزيون زمان فجه الوقت أني اتكلم عن طفولتي بكل شفافية وال هقوله دا لا يمكن يجرح طفولتي ولا برائتي زي باقي الأطفال من سني أنا مش هحكيلكم عن سبيستون ولا  أحلى عالم هحكيلك على موجة كوميدي وتعتبر من اهم القنوات بالنسبالي متعة وتسلية وفرفشة يعني أنا بحب جدًاالفنانة "نهى عابدين" من ايام برنامج فلفل شطة مع الفنان "شيكو" من قبل حتى ميعرف فهميو هشام". 


في سنة ٢٠١١ أتعرض على قناة موجة كوميدي ال لسة مكملة في اختفاءها بقالها حوالي ٤أو ٥ سنين مسلسل"الباب في الباب" عبارة عن سيت كوم بيتكلم في قضية اجتماعية ليس على المجتمع أن يغف عنها مع مرور الأزمنة وتقدم الحضارات "الجوازة ال مش راضية عنها أم الزوج" فبيجي الفنان"شريف سلامة " الي بيجسد دور الابن والزوج  في شخصية  "هشام" المحرر الرياضي زي حلاتي يعني ومعلق رياضي مش زي حلاتي يعني وبيعقد قرانه على الفنانة "كارولين خليل" ال بتجسد دور "دينا" زوجة "هشام" وبتحاول تستحمل تحكمات طنط "كوثر" حماتها وال بتجسدها الفنانة " ليلى طاهر " . 



بتمشي الأحداث في إطار أن "هشام" بيتجوز"دينا" لأنه بيحبها وفي نفس الوقت بيكون حابب أوي يخرج عن سيطرة مامته "كوثر" هانم ولكن بينجب الطفل التاني وبيضطر أن يروح يعيش في شقته ال في وش شقة والده الأستاذ "خليل فتح الباب" وال بيجسده الفنان القدير "أحمد خليل" طب بالزمة في قمر يتبهدل كدا؟ 

فبيكون الباب في الباب وباب مطبخهم  كمان في وش بعض وال بيسهل دخول الأطراف ديمًا عند بعض في أي مشادات عاصفة بين مدام كوثر ودينا .


قصدك أني نكدية يا هشام؟ 

فبيأخد هشام شنطة ويقفل الباب وراه لأنه متأخر على الشغل وعنده حق بردو يا مدام دينا محدش بيقوم بهرموناته الساعة ٩الصبح دا أنتي حتى لسة مغسلتيش وشك .


المهم المسلسل دا جميل جدًا ولو اتعرض ١٠٠٠ مرة هكون مستنياه جدًا ومستنية الكوميديا ال بيقدمها الأستاذ أحمد خليل وهو بيتفرج على خناقتهم وطبعًا بيقف في صف دينا بس عمره ميقول كدا قدام كوثر وحقيقي أحنا بقينا مفتقدين جدًا لمة العيلة ومشاهدة حاجة نضيفة زي العمل السنيمائي الهايل دا .

بالمناسبة العمل متوفر على منصة اليويتوب يعني ممكن جدًا تشوفوه لو حابين.


تعليقات

إرسال تعليق

المشاركات الشائعة من هذه المدونة

   مواهب من حقها تتشاف  كتبت:نرنورة كل حد فينا عنده موهبة  او يعرف حد عنده موهبة بتشوف أزاي بيكون مبسوط وهو بيتكلم عنها؟ طب بتشوف لمعة عينه وهو بيكلمك عن تفاصيل خاصة بيها ؟ أكيد صادفك الحظ في مرة وأتعرضت أنك تقعد مع حد موهوب ،عن نفسي بحب المسرح جدًا وبحب أوي أني أزوره وكل مرة بنبهر بكل التفاصيل والروح الحلوة الي بيضيفها الناس الي بتأخد الفرصة وبتقف عليه ودا الي حصل معايا لما روحت مسرح تربية وحضرت "دكتور ترانزيت" .   العرض عن نص " اعقل يا دكتور" للكاتب"لينين الرملي" والي عمله صياغة مسرحية يكون "عمر شريف" الحقيقة لما دخلوا في الأول يقدموا العرض وقالوا أنه بيقدم حاجة هادفة وقيم حسيت أنه هيكون ممل بالنسبة لمسرح كلية  بس لما بدء مقدرتش ابطل ضحك من خفة دمهم سواء بقا من طاهرة "نورهان أحمد" الي عليها ضحكه ترج المدرج كله وبتبعت بوسة في الهواء طول العرض لناس مجهولة والروج أهم حاجة في حياتها ،ولا صااااابر التمرجي "محمود عبدالغني " المشهور بتقيل الوزن لكن خفيف الظل وهو فعلًا يستحق اللقب وقد أيه هو كمان فتان وطماع بردو بس شهم الصراحة ميرضا...
إرسال تعليق
قراءة المزيد

مراجعة إنميThe Promised Neverland

   اوهايو رجعنا اهو بعد سحبه طويلة الواحد حتى بقى اكسل من انه يعمل تكاليف الكلية وعمال يتفرج على انمى وده اللى بنسميه حياة اوتاكوا متوحد  احم المهم  الانمى اللى هنكلم عليه النهارده The Promised Neverland s1 الانمى ده من انميات الغموض والتشويق اللى هيخليك مستنى كل لقطة وكل حلقة  وقاعد مستنى اى هي الخطوة الجاية واى اللى هيحصل بعدين وده بسبب تعدد  مستوايات الذكاء والخطط والاستراتيجيات الموجوده  تعالى ندخل فى القصة  الانمى بيكلم على مجموعة اطفال عايشين فى دار رعاية ( ميتم ) بس مش زى الصورة اللى جت فى بالك دلوقتى مش هتشوف بقى حياة صعبة وميتم بقى وبيتعذبوا بالعكس هما فرحانين هناك وحياتهم سعيده وكل حد بيحب التانى بس الاطفال فى الميتم ده من عمر 1 ل 11 سنه وفى يوم من الايام حد من الاطفال دول لازم يمشى وتتبناه عيله  لو جينا بقى نشوف الاطفال الموجودين هتلاقى انهم اذكية اوى وبياخدوا امتحانات وتمارين واختبارات اللى عشان تزيد من ذكائهم فدى بيخلى فى تنافس مابينهم من درجات وترتيب زى المدرسة . لو جيت تشوف كده هتحس انه انمى كتكوت ولطيف مليان طاقة ايجابية كل ده...
إرسال تعليق
قراءة المزيد
   مشتاقتوش للقبطان عزوز؟ كتبت-خلود أحمد  كلنا واحنا صغيرين كنا متعلقين أوي بمعظم مسلسلات رمضان وخصوصاً اللي فيها نوع من الكوميديا بس من الطف المسلسلات اللي قابلناها هو مسلسل" القبطان عزوز" اللي كان عباره عن مسلسل شبه رسوم كدا ع شكل الممثلين اللي بتشارك فيه، متيجوا نشوف هو ايه بالظبط.  مسلسل" القبطان عزوز" هو مسلسل كرتوني مصري، اول مرة اتذاع فيها كان ف رمضان سنة2009، من اخراج " عبدالله نبيل" وتأليف " محسن رزق" ، و"احمد سيد امين"، ومن بطولة الفنان"سامح حسين"، ومشاركة كلاً من: انتصار، عبدالله مشرف، سليمان عيد، معوض إسماعيل، واتذاع منه ٣ أجزاء عام2009، 2010، 2011. بيدور المسلسل حوالين القبطان عزوز واللي جسد شخصيته الفنان "سامح حسين"، عزوز بقى كان وارث سفينة عن باباه وكان اسمها "شمندورة"، بس المشكله بقى إن عزوز مكنش ذكي كفايه عشان كدا كان حكاية كل حلقة هي عبارة عن مغامرة جديدة، وحدوتة ولغز بنحله مع القبطان عزوز.  ومش بس كدا بما انه كان بيفكر بس أحياناً تفكيره بيكون محدود شويتين ناس كتير كان مفكراه غباء بس ف الا...
إرسال تعليق
قراءة المزيد