عالم الإنمي
اوهايو
عاملين اية يا جماعه ان شاء الله تكونوا مبسوطين وفى احسن حال خلونى اعرفكم عن نفسى الأول بما انكم اول مره تسمعوا عنى ، انا محمد ممدوح وهكون هنا المسؤول عن الإنمى وهتكون مهمتى انى اقدملكم محتوى خفيف تقراه وانت ماشى كده وتسلى نفسك بيه وتاخد فكره كده عن ماهية الإنمى وممكن كمان تتحمس و تبدا تتفرج عليه ان شاء الله يعنى ولو انت اوتاكوا تعالى خد بصه ممكن تلاقى حاجات جديده هنا المهم بما ان دى موضوعنا الأول خلينا نتكلم لى ممكن تتفرج على انمى اصلًا بص لو فكرت هوا عمل ابداعى زى اى عمل تانى بس المميز فيه ان مفيهوش حدود عباره عن رسم فدا بيدى للمؤلف حدود لا نهائية عشان يطلع فيها كل اللى فى دماغه الرسم دى بقى بيتاخد كده وبيتحول انيميشن ومرحله الرسم دى بيسموها مانجا وبيكون الموضوع دى خاص باليابان عكس امريكا اللى بتتسمى عندهم كوميكس وكده المهم الإنمى بقى دى بيتقسم النواع كتييييييركتير اوى ودى بقى اللى بيميزه لو عاوز للإطفال هتلاقى مراهقين هتلاقي رومانسى هتلاقي اى حاجة ممكن تفكر فيها هتلاقيها ومش بس كده ال بيتعرض بطبيعة مميزه خاصة من رسم وتحريك وكلام بتخليك منجذب ليها فعشان كده هتلاقي الإقبال عليه كتير بص بقى انت بقى لما ربنا يكرمك وتفكر تتفرج على انمى كده هتلاقي فى تصنيفات كتير وكلام غريب مهمتى انهارده بقى انى افهمك الأساسيات ولو انت اوتاكوا اقرأ واستمتع فى صمت ممكن تلاقى حاجة مش عارفها دلوقتي هنبدا بالشنين او شونين : ودى كلمه يابانيه وبيكون معناها ولد وبيكون التصنيف ده فيه طابع الأكشن والقتال والتشويق والقوى الغريبة وانت هتحبه لو انت بتحب الحماس والحركه الكتير شوجو : دى بقى عكس شنين فكلمه شوجو دى معناها بنت فبتكون الإنميات دى من النوع دى فيه الطابع الدرامى او الرومانسى
وبس كده ديه كده تُعتبر أهم الأسايات الأولية جدًا وبإذن الله بعد كده هنتكلم أكثر وأكثر وندخل في تفاصيل هذا العالم الرائع
تعليقات
إرسال تعليق