كتبت -خلود أحمد 

بدايه امبارح كانت مختلفه شويه لانها المره دي بدات بخناقة احيانا الميول بتكون مختلفه خصوصا لو كل شخص حابب نوع معين من الميول دي وده كان عنوان خناقة بداية الحلقة نادين عايزاهم يتعلموا السباحة لكن آدم عايزهم يتعلموا الكوره طبعا كل واحد كان عايز الاطفال تتعلم حاجه على حسب ميوله وعلى حسب الحاجه اللي هو بس بيحبها لكن الموضوع قدر ان هو يتحل بطريقه لطيفه وبسيطه بان ادم سابها وراح الشغل اصلا يمكن ده ما يكونش حل بس احيانا بيبقى ان احنا نسيب اللي قدامنا يهدى بطريقه عشوائيه حل حتى لو بسيط

تاني حاجه غريبه عندنا هي ان لما آدم كان في وقت شغله ومع شريكته الجديدة في المشروع شريكته كانت في حالة هزار شويه ان مامتها دايما بتطمن عليها فهي كانت بتقترح انها لو عرفت تلاقي عريس هتوافق على طول لكن احنا بقى لو بصينا هنلاقي ان نفس الفكره كانت امبارح لما والده ادم كانت عايزه تكلمه في ان هي جاي لها عريس وكانت خايفه ان هو ما يوافقش خصوصا ان هي كانت حاسه بالوحده وحاسه ان هي عايشه حياه مش مستقلة مش حره، بس كانت كلام في شيء من ان هو قدر يقتنع ان ليه لأن هو يوافق على العريس خصوصا ان مامته كانت موافقه جدا بس كانت مستنيه موافقته وهو بالذات كلام شركته اثر فيه قوي خلاه يرجع يفكر في الموضوع ثاني ودي حاجه بتحصل كثير قوي احيانا بنكون بنفكر في موضوع وعايزين ناخد فيه قرار بس بنكون متوترين شويه يجي شخص يقول لنا فكرة عن الموضوع ده نلاقي نفسنا الموضوع بالنسبة لينا اتحل وبكل سهولة.

أحيانا ً بيكون صعب لما نعرف ان في حد حوالين مننا مخبي علينا حاجة خصوصاً لو لحد ده قريب مننا كانت صدمه غريبه شويه لنادين لما عرفت ان في في مامت ادم قررت ان هي تتجوز وخصوصا ان نادين ما كانتش تعرف اي حاجه عن الموضوع لكن مامت نادين هي اللي اتكلمت في الموضوع ده وقالت ان يمكن آدم مشغول الفتره دي عشان خاطر جواز مامته الغريب بقى ان هي ما قالتلهاش إنها ما تعرفش بس يا ترى ليه؟.

رجع ادم من شغله كملنا حكايتنا بس حكايتنا كانت مختلفه لانها برده بدأت بخناقة.. نادين دايما حاسه ان هو في مكان مختلف عنها مش حاسس بيها لانها دايما محتاسه مع اولادها وحاجاتهم وكل حاجه ودائما بيجي عشان يعمل مشاكل وبس بيحاول ادم ان هو يمشي عشان ما يتخانقوش اكتر بس نادين كان عندها راي ثاني خالص وانها كانت محتاجه تتكلم معاه في الوقت ده وان هو ما يمشيش بيخش ينام ويسيبها ويهرب من المواجهه بتاعه المشكله بتاعه حلقه النهارده ودايما الكلام في وقت الغضب بيخلي في الناس تفهم معاني مختلفه عن الكلام اللي مقصود وده برده اللي حصل في الخناقه وكان اكتر حاجه مضايقه نادين ان هم خبوا عليها ان ماما ادم هتتجوز يمكن كانت اكتر حاجه مضايقه نادين ان هم خبوا عليها وان مامت ادم مش بيتعملها على انها بنتها رغم ان نادين بتعاملها على ان هي ذكي مامتها بالظبط وانها دايما معتبره ان سلمى هي فعلا بنتها حقيقيه دايما لما بناخدش راي حد بيكون بسبب ان احنا خايفين من انتقاده المبالغ فيه اللي بيظهر وقت اخذ الراي ده وده كان اكثر السبب استخدمه ادم عشان هو ما يقولش نادين عن جوازه مامته لانه عارف ان نقضها بيكون مختلف خصوصا ان هو قال لها لها صريحه ان هي دايما بتشوف الحياه من عندها بس من وجهه نظرنا ان احنا دايما لازم نحط نفسنا مكان الشخص اللي قدامنا نشوف هل هيستحمل وجهه نظرنا وانتقدنا طب هل لو احنا مكانه هنستقبل الانتقاد ده بمنتهى السهوله ولا هنبقى متضايقين بسبب الكلام اللي هو قاله يمكن نادين ما كانتش بتعمل كده بالنسبه لادم بس برده كان في اكثر من طريقه نقدر ان هو يقول بيها

أحياناً بتكون من اكتر الحاجات المريحة في حياتنا اننا نلاقي شخص نقدر ان احنا نتكلم معاه بالطريقه اللي تريحنا وده بالظبط اللي عمله آدم لما راح اتكلم مع شريف في موضوع جوازه مامته راح عشان يقول له الفكرة بالظبط اللي في دماغه وايه سبب رفضه للموضوع وكان سبب الرفض الرئيسي ان هو مش هيعرف يتأقلم على العيشة الجديده ومش هيعرف يتأقلم ان في شخص ثاني موجود في حياة مامته وان هو مش هيكون الشخص الوحيد اللي في حياتها وعشان كدا كان لازم يكون شريف شخص ملهم لآدم فعلاً وده اللي حصل شريف قدر يقنع آدم بنسبة بسيطة أن أهم حاجة راحة اللي قدامنا.

بعيدا عن الاكشن وبعيدا عن كل شيء حصل في المسلسل النهارده لكن كانت اللقطة الألطف على الاطلاق هي لحظة دخول ادم على مامته عشان يعرفها ان هو موافق على جوازها..بس كانت بطريقه غريبه شويه ان هو سألها سؤال غريب وهو يعني "انتِ عندك فستان فرح ولا هتفصلى" يمكن لقطة أخدت كل الحنيه اللي في الدنيا اتحطت في شط معين واتعرض على هيئة اشخاص بتجسده

النهاية  المره دي مكانتش لطيفه خصوصا ان نادين وادم اتخانقوا تاني لكن الخناقه المره دي كانت بسبب داليا واللي هي شريكة آدم في شغله وان اللي استغربته نادين أن ازاي هي موجودة ف فرح مامته وكمان كانت اكتر حد بيتعامل مع الناس وكمان بتوجههم لكل حاجه وبتتعامل كأنها من العيله بالظبط، وده خلى نادين متضايقه ان هو دايما بيحكي لها حاجات كتير قوي عنه وعن نادين وعن مامته وعن كل الناس اللي حواليه وشايفه ان ده حاجه مش طبيعيه اطلاقا، أما آدم فكان شايف ان دي عبارة عن تلقائية من داليا وإن كل حاجة بين داليا وآدم عبارة عن شغل مطلق بس.. لكن نادين كانت متضايقة عشان ادم مختارهاش معاه ف الشغل واللي اختارها هي داليا.

دايماً المشاكل بتحصل بسبب ان احنا مبنبقاش فاهمين بعض او مش فاهمين وجهة نظر بعض ودي كانت أكبر سبب في خناقة النهارده بين نادين وآدم كل واحد ليه نظر مختلف لكن كل واحد برده بيفكر بطريقه يلاقي بيها حل بس مش دايما بيرضى اللي قدامه بس يا ترى بقى حلقة انهاردة هتتاثر بخناقه امبارح؟